No existe o existe? ù l'è in bello problema.
L' è foscia megiû sopportâ e botte e i fûrmini de na sorte che a ne veu mâ? oppûre tiase sciù combatte tûtte e nostre tribolazuin e in quarche moddo fâla finîa.
Moî, dormî, dormî, e con o seunno fâ finî totti i affanni da nostra anima e tûtte e atre infinîe miseie che son l'ereditæ do nostro corpo de carne e osse,
moî, moî, dormî, sognase foscia, ah! ma lè proprio chi che
caççe l'açe, perchè o pensiero de quali seunni ne vegnian a tegnî compagnia quande saiemo morti o deve ben trattegnine, ansi a l'è propio questa l'idea che a ne fà sopportâ pe tanto tempo a disgrasia de vivê, ma chi sopportieiva altrimenti e offeiçe e i aççidenti dovui a-u tempo, a tribolazuin dell'amû no corrisposto, ansi deriso e magari disprezzou, processi che no finiscian mai e ciù che atro ciù che atro e ingiustisie che l'ûmiltæ de personne per ben deva sopportâ da di gunduin, se totto questo se porieiva finilo, scî con in solo cûrpo de cotello, ma chi l'æ che vorrieiva camallâ sûando e ciançendo o carego de na existensa logorante, se a puia, ansi o terrore de qualcosa oltre a morte, quello mondo, quello paise dove no l'è mai vegnûu inderê nisciun u ne trategnisse faxendone cuscì preferî u peiso, brutto, grosso, ma che conoscemmo ad atri che invece no ghemmo manco a ciù pallida idea de cose porian ese, l'è cuscì, l'è cuscì che anche a personn-a ciù risolûa a sgianca consumma dâa riflescion, l'è cuscì che anche l'impreisa giù grande e generusa a finisce ne no contâ ciù in belin.